Televiziyanın ARB kanalında yayımlanan “Günə doğru” verilişində AMEA akademik H.Ə.Əliyev adına Coğrafiya İnstitutunun Landşaftşünaslıq və landşaft planlaşdırılması şöbəsini müdiri, coğrafiya üzrə fəlsəfə doktoru, dosent Mirnuh İsmayılovun yağış suyundan istifadə haqqında müsahibəsi yer alıb.

Azərbaycanda  şirin su qıtlığının qarşısını almaq məqsədilə yağış sularından istifadə ilə bağlı dövlət tərəfindən qanun layihəsi hazırlanır ki, bu layihəyə görə yağış suyunun istifadəsi üçün bəzi binaların müvafiq yerlərində bu suyu toplaya bilən xüsusi aparatların quraşdırılması nəzərdə tutulub.

Bununla əlaqədar coğrafiyaçi alim qeyd edib ki, paytaxtın müxtəlif yerlərində  içməli sudan  həm də texniki su kimi yaşıllıqların suvarılmasında və digər məqsədlərlə  istifadə edilir.  Yaşıllıqlarn suvarılması üçün ən yaxşı yol isə yağış sularından istifadə etməkdir.  Məsələn, yolların kənarında quraşdırılmış suötürücü  qurğular vasitəsilə yağan yağışları toplayaraq onları su anbarlarında saxlamaq olar. İri asfalt yolların kənarları ilə  yağış sularını yığan drenlər çəkilmişdir. Amma onlar  düzgün işləmədiyindən azacıq yağış yağan kimi  yollarda tıxaclar,  subasmaları yaranır. 

M.ismayılov onu da  əlavə edib ki, hər bir binanın  damına toplanan və su boruları ilə axan yağış sularını anbarlara yığıb saxlamaqla, həmin suyun  hesabına yay aylarında yaşıllıqları suvarmaq olar.  Bununla da içməli suya 30-40% qənaət etmiş olarıq.