AR Elm və Təhsil Nazirliyinin akademik H.Əliyev adına Coğrafiya İnstitutunun Elmi şurası  Ümummilli lider Heydər Əliyevin anım gününə həsr edilib.

Ulu Öndər Heydər Əliyevin əziz xatirəsi bir dəqiqəlik sükutla yad edilib. Sonra  Ümummilli liderin çoxşaxəli fəaliyyətinə həsr edilmiş  videoçarx nümayiş etdirilib.

Baş direktor, professor Zakir Eminov 2023-cü ilin “Heydər Əliyev ili” elan edilməsi ilə əlaqədar Coğrafiya İnstitutunda bu il Ulu Öndərə həsr edilmiş  5 konfransın, 4 tədbirin, 2 kitab təqdimatının  keçirildiyini diqqətə çatdırıb. O bildirib ki, keçirilən tədbirlərdə həyatını Azərbaycanın inkişafına, müstəqilliyinə, işıqlı gələcəyinə həsr etmiş bu böyük insanın əziz xatirəsi həmişə dərin hörmət və minnətdarlıq hissi ilə yad edilib. Ulu öndərin xalq qarşısında misilsiz xidmətlərindən danışan İnstitut rəhbəri dövlətin və xalqın əldə etdiyi bütün uğurların təməlində məhz onun dayandığını diqqətə çatdırıb. Bildirilib ki, Heydər Əliyevin respublikamıza rəhbərlik etdiyi dövrlərdə ölkəmiz müstəqillik, dövlətçilik, suverenlik, ordu quruculuğu, iqtisadi yüksəklik və s. kimi misilsiz uğurlara imza atıb, Azərbaycanın  nüfuzu beynəlxalq aləmdə sürətlə artıb.

İnstitutunun şöbə müdirləri, c.e.d. professor Rza Mahmudov və  c.ü.f.d. Habil Haqverdiyev də çıxışlarında vurğulayıblar ki, Ümummilli Lider Heydər Əliyevin xalqın çağırışı ilə yenidən respublika rəhbərliyinə qayıdışı Azərbaycanın müqəddəratını tənəzzüldən tərəqqiyə doğru dəyişib.