Coğrafiyaçılarımız Qafqaz Yay Məktəbinin sertifikatına layiq görülüblər 2021-09-27 16:31:00 / MÜHÜM HADİSƏLƏR

AMEA akademik H.Ə.Əliyev adına Coğrafiya İnstitutunun əməkdaşları - c.ü.f.d. Natəvan Cəfərova koordinator, c.ü.f.d. Samirə Abuşova, böyük laborantlar İradə Əhlimanova, Aminə Muradova və magistrlar Yeganə İbadlı, Nərmin Nağıyeva iştirakçı qismində “Cənubi Qafqazda iqlimə uyğunlaşma qabiliyyətlərinin gücləndirilməsi” layihəsi çərçivəsində beynəlxalq Qafqaz yay məktəbi 2021-də  (SCAC) iştirak ediblər. 

Cenevrə və Davamlı Qafqaz Universiteti tərəfindən təşkil edilən tədbir İsveçrə İnkişaf və Əməkdaşlıq Agentliyi (SDC) və BMT-nin Ətraf Mühit Proqramı tərəfindən dəstəklənir.

 Təlim iştirakçıları təbii fəlakətlərin real vaxt rejimində xəritələşdirilməsi və əldə edilən məlumatların paylaşdırılması, GIS-dən istifadə ilə analizlərin aparılması, uzaqdan zondlama məlumatlarının işlənməsi, tematik məşqlər və xəritələrin  ictimaiyyətə  yayılması haqqında biliklərə yiyələniblər. Dərslərin  sonunda əməkdaşlarımız təlimi bitirən 25 iştirakçı arasında fərqlənən 14 iştirakçı ilə birlikdə beynəlxalq sertifikata yiyələniblər.

Coğrafiyaçılar təlimi peşəkar səviyyədə bitirdiklərinə görə 2022-ci il, 22 aprel tarixində “Turizmin Davamlı İnkişafı üçün Transdisiplinarlıq: Qafqaz aliminin rolu” (“Transdisciplinarity for Sustainable Tourism Development: Role of Caucasus Scientist”) adı altında keçiriləcək  3-cü Qafqaz Dağ Forumunda (CMF3) iştirak etmək hüququ qazanıblar.

Copyright © AMEA Akademik H.Ə.Əliyev adına Coğrafiya İnstitutu, 2021