Coğrafiyaçı gənc alimlərin fəaliyyəti televiziya kanalında nümayiş etdirilib 2020-07-11 23:55:00 / MÜHÜM HADİSƏLƏR

Azərbaycan televiziyasının Mədəniyyət kanalında AMEA akademik H.Ə.Əliyev adına Coğrafiya İnstitutunun gənc aıimləri, coğrafiya üzrə fəlsəfə doktorları  – Azərbaycanın turizm və rekreasiya coğrafiyası şöbəsinin müdiri Zaur İmrani və  Natəvan Cəfərovanın iqtisadi coğrafiya sahəsində elmi fəaliyyətindən bəhs edən “Dəryada damla” verilişinin növbəti sayı nümayiş etdirilib.

Coğrafiyaçı alimlər dünya iqtisadiyyatının aparıcı sahələrindən olan iqtisadi coğrafiyanın tarixi, iqtisadiyyatın inkişafındakı önəmli rolu, əsas fəaliyyət istiqamətləri,  bu sahədə tanınmış alimlər,  bu elmin  öyrənilməsinin əhəmiyyəti və s. haqqında məlumat veriblər. Bildirilib ki, dövlər proqramlarının hazırlanmasında yaxından iştirak edən və təbiətlə cəmiyyət arasındakı qarşılıqlı əlaqələri öyrənən iqtisadi coğrafiyaçılar  Azərbaycan ərazisində yaşayan etnik qrupların yaşayışının, adət-ənənələrinin öyrənilməsində regional siyasətə istinad edirlər.

Göstərilir ki, N.Cəfərova və Z.İmrani bacarıqlı mütəxəssis olmaqla yanaşı həm də əldə etdikləri bilik və bacarıqlarını tələbələrinə aşılayan, coğrafiyanı onlara daha da sevdirən Bakı Dövlər Universitetinin müəllimdirlər. Onların hər ikisi müxtəlif beynəlxalq layihələrdə yaxından iştirak edir, yüksək indeksli nüfuzlu jurnallarda  elmi məqalələr çap etdirir, kitab və dərsliklər hazırlayırlar. Gənc alimlər qeyd edirlər ki, İnstitut müasir avadanlıqlarla təchiz olunarsa, daha az müddətdə daha əhəmiyyətli  nəticələr əldə etmək mümkündür.

Copyright © AMEA Akademik H.Ə.Əliyev adına Coğrafiya İnstitutu, 2020