AR Elm və Təhsil Nazirliyinin akademik H.Əliyev adına Coğrafiya İnstitutunun Vikipediya qrupunun rəhbəri Aida Aslanova İsveçin Bakıdakı səfirliyi, ADA Universiteti və Azərbaycan Wikimediya Könüllüləri İB ilə  birlikdə  Universitetin Kommunikasiya və rəqəmsal media proqramı əsasında  Vikipediyada gender bərabərsizliyinin aradan qaldırılması istiqamətində  birgə həyata keçirilən tədbirdə təlimçi qismində iştirak edib.

8 Mart ərəfəsində  “Viki Gap” layihəsi çərçivəsində  baş tutan tədbirin məqsədi Vikipediyada təmsil olunan qadınların sayını artırmaq və interneti daha gender bərabərli şəbəkəyə çevirmək olub. İnstitut əməkdaşının  keçdiyi təlim nəticəsində tələbələr Vikipediyanın mürəkkəb və əsas alətlərindən istifadə edərək məqalələrin yaradılması, fotoşəkillərin Vikianbara (Wikimedia Commons) yüklənməsi, eləcə də informasiyanın düzgün və kütləvi şəkildə Vikiverilənlər  (Wikidata) məlumat bazasına daxil edilməsini öyrəniblər.

Sonda A.Aslanovaya İsveçin Azərbaycandakı səfiri tərəfindən sertifikat təqdim edilib.