AMEA akad. H.Əliyev adına Coğrafiya İnstitutunda “Fövqəladə hadisələrin (FH) nəticələrinin aradan qaldırılması zamanıŞ. Mülki Müdafiə orqan və qüvvələrinin idarə edilməsinin təşkili” mövzusunda Rəhbər heyətin Mülki Müdafiə (MM) məşqi keçirilib.

İclası  İnstitutun direktoru, akademik Ramiz Məmmədov açaraq  dedi ki, keçirilən tədbir 2014-cü il Mülki Müdafiə  tədbirləri planına müvafiq olaraq keçirilir.  MM rəhbəri  məşqin məqsədinin  fövqəladə hallar zamanı idarəetmənin  təkmilləşdirilməsi,  mülki müdafiə tədbirlərini yerinə yetirərkən əməkdaşlara rəhbərlik etməkdə komandir-rəis  heyətinin bacarığının artırılması, rəhbər heyəti tərəfindən MM  Planının öyrənilməsinin vacib  olduğunu diqqətə çatdırdı.

Sonra İnstitutun MM qərargahının rəisi Namazəli Mustafayev fövqəladə hadisələr zamanı rəhbər heyətin biliklərinin təkmilləşdirilməsi barədə ətraflı məlumat verdi. Qərargah rəisi eləcə də bu günkü məşqə hazırlıqla əlaqədar  İnstitutun direktoru, akademik R. Məmmədovun rəhbərliyi və MM qüvvələrinin iştirakı  ilə oktyabrın 27-də keçirilən müşavirənin nəticələri  ilə əməkdaşları tanış etdi, onları maraqlandıran sualları cavablandırdı.

Məşqdə iştirak edən AMEA-nın II Xüsusi şöbəsinin baş mütəxəssisi Əlimərdan Məhəmmədov da çıxış edərək dedi ki, müəssisə və təşkilatlarda hər il keçirilən məşqin əsas məqsədi  insanları  Fövqəladə hallar zamanı davranış qaydaları haqqında biliklərlə maarifləndirməkdir.

Sonda Rəhbər heyətin Mülki Müdafiə məşqi qənaətbəxş hesab edildi.