Noyabrın 13-14-də AR Elm və Təhsil Nazirliyinin akademik H.Ə.Əliyev adına Coğrafiya İnstitutunda 2025-ci ilin Azərbaycan Respublikasında «Konstitusiya və suverenlik ili» elan edilməsi və Coğrafiya İnstitutunun yaradılmasının 80 illiyi münasibətilə «Coğrafiyanın müasir problemləri: elm və təhsilin inteqrasiyası» mövzusunda IV Beynəlxalq elmi-praktiki konfrans keçirilib.

Konfrans çərçivəsində xarici qonaqlar üçün ölkənin Şamaxı və İsmayıllı rayonlarına çöl ekskursiyası təşkil olunub.    Landşaftşünaslıq və landşaft planlaşdırması şöbəsinin əməkdaşları,  dosentlər  İrina Kuçinskaya və Elina Kərimova, həmçinin texnik Aleksey Mişakov tərəfindən baş tutub.

Şamaxı şəhərində qonaqlar qədim Cümə məscidi, Şamaxı Astrofizika Rəsədxanası, Dəmirçi kəndi, həmçinin İsmayıllıda qədim mis qab-qacaq istehsalı mərkəzi olan Lahıc qəsəbəsini ziyarət ediblər. Qeyd edək ki, Lahıcın mis zərb işi YUNESKO-nun Qeyri-Maddi Mədəni İrs Siyahısına daxil edilib.

Rusiya, Gürcüstan, Özbəkistan, İran və Türkiyədən gələn qonaqlar rayonların təbii xüsusiyyətləri, sel və sürüşmə proseslərinin təzahürləri, həmçinin regionun landşaftları və geomorfoloji xüsusiyyətləri ilə tanış olublar.

İştirakçılar Pirsaatçay, Girdimançay və Axsuçay çaylarının vadilərini ətraflı gözdən keçiriblər, burada müasir geomorfodinamik prosesləri və xarakterik relyef formalarını şəxsən müşahidə edə bildilər.