AR Elm və Təhsil Nazirliyinin akademik H.Əliyev adına Coğrafiya İnstitutunun Coğrafi fikir tarixi və toponomikası şöbəsinin əməkdaşları, müdir  c.ü.f.d., dosent Habil Haqverdiyev  və böyük elmi işçi  Məhbubə Fətullayeva  Türkiyənin MTA Global Academy-nın təşkilatçılığı ilə Hindistanın Bangalor şəhərində keçirilən 5-ci Beynəlxalq Sosial Elmlər, İnnovasiyalar və Təhsil Texnologiyaları Konqresində onlayn formatda  iştirak ediblər.

Həmmüəlliflərin “The Role of Climatic and Geographical Factors in Assessing the Development of Tourism in Karabakh” (Qarabağda turizmin inkişafının qiymətləndirilməsində iqlimin və coğrafi faktorların rolu) adlı məqaləsi “ICSSIET CONGRESS” konfrans materiallarında  dərc edilib.

Məqalədə Qarabağ bölgəsinin bərpası üçün turizm sektorunun iqtisadi dirçəlişi və yerli əhalinin sosial rifahının yaxşılaşdırılması üçün dövlət səviyyəsində iqlimin qiymətləndirilməsi strategiyasının uğurlarından bəhs edilir.