Alim NASA-nın dəstəyi ilə keçirilən seminarda iştirak edib 2023-11-28 17:33:00 / MÜHÜM HADİSƏLƏR

AR Elm və Təhsil Nazirliyinin akademik H.Ə.Əliyev adına Coğrafiya İnstitutunun Xəzər dənizinin monitorinqi şöbəsinin aparıcı elmi işçisi, texnika elmləri üzrə fəlsəfə doktoru  İsmayıl Zeynalov NASA-nın Yer bölməsinin  dəstəyi ilə Virginia Tech və Old Dominion Universitetinin təşkil etdiyi seminarda iştirak edib.

Elm Məlumat Sistemləri Proqramı üzrə NASA-nın UNBOUND COASTAL ISSUES  seminarı sahil zonasının idarə edilməsi üçün modelləşdirmə vasitələri, daşqın riskinin idarə edilməsi üçün  fəza sistemlərinin modelləşdirməsi, dəniz səviyyəsinin qalxması və enməsi problemləri ilə bağlı məlumatların vizuallaşdırılması və sahil problemlərinin insan həyatına təsirinin qiymətləndirilməsi məsələlərini əhatə edir.

Seminar iştirakçıları Yer elmi məlumatlarının istifadəsini təkmilləşdirmək üçün dəyərli rəy və praktiki tövsiyələr alıblar. Sonda iştirakçılara NASA-nın sertifikatı təqdim edilib.

 

 

    Copyright © AR Elm və Təhsil Nazirliyi akademik H.Ə.Əliyev adına Coğrafiya İnstitutu, 2024