Konfrans çərçivəsində Xəzər hövzəsinin fiziki-coğrafi xüsusiyyətləri və ekosistemləri, iqlim dəyişiklikləri və ekoloji risklər, Xəzər dənizinin səviyyə tərəddüdləri, biomüxtəliflik və bioresurslar, torpaq resursları, təbii resurslardan istifadə və ekoloji təhlükəsizlik, sosial-iqtisadi inkişaf, eləcə də regional və beynəlxalq əməkdaşlıq məsələləri üzrə elmi məruzələr təqdim edilmiş və müzakirələr aparılmışdır.

Konfrans Xəzər hövzəsinin aktual ekocoğrafi problemlərinin müzakirəsi, yeni tədqiqat nəticələrinin təqdim olunması, davamlı inkişaf istiqamətində elmi yanaşmaların bölüşülməsi və yerli və xarici alimlər arasında elmi əməkdaşlığın genişləndirilməsi baxımından mühüm əhəmiyyət daşımışdır.