Landaftşünaslar Böyük Qafqazın şimal-şərq yamacı ərazilərində ekspedisiyada olublar 2018-09-11 12:44:00 / MÜHÜM HADİSƏLƏR

AMEA  akad. H.Ə.Əliyev ad. Coğrafiya İnstitutunun  “Landşaftşünaslıq və landşaft planlaşdırılması” şöbəsinin əməkdaşları – coğrafiya üzrə fəlsəfə doktorları Starə Tarixazər, Zərnurə Həmidova, Elina Kərimova, Sevil Quliyeva, Samirə Ələkbərova və Sevinc Məmiyeva iyulun 16-dan 20-dək Böyük Qafqazın şimal-şərq yamacında yerləşən ərazilərində çöl ekspedisiyasında  olmuşlar.

Ezamiyyət müddətində alimlər “Azərbaycanda sel əmələgətirici proseslərin inkişaf dinamikası, rayonlaşdırılması və idarə olunması problemləri" mövzusunda tədqiqat işinin yerinə yetirilməsi ilə bağlı Quba, Qusar, Siyəzən, Şabran və Xaçmaz rayonlarında Vəlvələ, Qudyalçay, Qusar, Tahircal çayları hövzələrində sel və sürüşmə təhlükəsini araşdırmışlar. Tədqiqat zamanı Quba-Təngaltı-Qonaqkənd, Qusar-Ləzə və Həzrə-Sudur avtomobil yolları boyunca sürüşmə sahələrinin artdığı qeydə alınmışdır. Vəlvələ çayında yağan yağışlardan sonra suyun miqdarında artım müşahidə olunmuşdur.

Copyright © AMEA Akademik H.Ə.Əliyev adına Coğrafiya İnstitutu, 2018