Cİ əməkdaşları Beynəlxalq "Coğrafi imla" aksiyasında iştirak ediblər 2017-11-27 04:30:00 / MÜHÜM HADİSƏLƏR

AMEA akad. H.Ə.Əliyev adına Coğrafiya İnstitutunun  əməkdaşları -  c.ü.f.d.  Rövşən Kərimov, c.ü.f.d. Mətləb Rəhimov, Elnur Səfərov , Elşən Abdullayev, Həmidə Zöhrabova və Xanım Rzazadə   Rusiya Coğrafiya Cəmiyyətinin Lomonosov adına Moskva Dövlət Universitetinin Bakı filialında təşkil etdiyi “Coğrafi imla” beynəlxalq aksiyasında iştirak ediblər.

Ümumrusiya Coğrafi imla dərsi ilk dəfə 2015-ci ildə RCC-nin Qəyyumlar Şurasının sədri, Rusiya Federasiyasının Prezidenti V.V.Putinin təşəbbüsü ilə keçirilib. 2017-ci ildə bu imla artıq beynəlxalq səviyyəyə çatıb və bu il noyabrın 26-da dünyanın 20-dən çox ölkəsində (o cümlədən, Rusiya, Azərbaycan, Argentina, Çex Respublikası, Danimarka, Böyük Britaniya, Norveç, Türkiyə, Monteneqro və digər ölkələrdə) regional məkanlar fəaliyyət göstərib.

Yaşından, təhsilindən, sosial mənsubiyyətindən, dini etiqadından və vətəndaşlığından asılı olmayaraq qeydiyyatdan keçən, rus dilini bilən və aksiyaya qoşulmaq istəyənlər tədbirin  iştirakçıları olublar. Mürəkkəblik dərəcəsi müxtəlif olan 30 tapşırıqdan ibarət imla coğrafi anlayışlar və terminlər, əsas coğrafi qanunauyğunluqlar, coğrafi obyektlərin xəritədə yerləşməsi barədə biliklərin və bu bilikləri praktikada tətbiq etmək bacarığının yoxlanılması məqsədilə keçirilib.

Tədbirin iştirakçılarına şəhadətnamələr verilib.

 

 

Copyright © AMEA Akademik H.Ə.Əliyev adına Coğrafiya İnstitutu, 2017